<div style='font-size: 22px!important;line-height: 34px!important;text-align: justify!important;color: #000!important'>ཉིང་ཁྲི་གྲོང་ཁྱེར་ལ“རྒྱལ་སྤྱིའི་མཛའ་མཐུན་གྲོང་ཁྱེར་གྱི་ཕུལ་བྱུང་ལེགས་སྐྱེས་བྱ་དགའ”ཐོབ་པ།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2026-10-30</div><div><img id='paperImg' style='max-width: 100%;height: auto' src='https://img.founderfx.cn/epaper/202610/30/1baf1dc1bd424807ad8acceb1addb519/3.jpg' alt='' class='page-img'/></div><p>འདི་ག་ཚགས་པར་ཁང་དུ་གནས་ཚུལ་འབྱོར་གསལ།ཉེ་ཆར། 2026ལོའི་ཀྲུང་གོའི་རྒྱལ་སྤྱིའི་མཛའ་མཐུན་གྲོང་ཁྱེར་ཚོགས་ཆེན་ཐོག་ཉིང་ཁྲི་གྲོང་ཁྱེར་ལ“རྒྱལ་སྤྱིའི་མཛའ་མཐུན་གྲོང་ཁྱེར་གྱི་ཕུལ་བྱུང་ལེགས་སྐྱེས་བྱ་དགའ”ཐོབ་པ་དེ་ཡང་རང་ལྗོངས་ཀྱི་དམིགས་བསལ་གཟི་བརྗིད་མཚན་སྙན་ཐོབ་མཁན་གྲོང་ཁྱེར་གཅིག་པུ་ཡིན་པ་མ་ཟད། རྒྱལ་ཡོངས་སུ་ས་ཁུལ་རིམ་པའི་གྲོང་ཁྱེར་10ལ་མ་གཏོགས་བྱ་དགའ་དེ་ཐོབ་མེད་པ་རེད།</p><p>“རྒྱལ་སྤྱིའི་མཛའ་མཐུན་གྲོང་ཁྱེར་གྱི་ཕུལ་བྱུང་ལེགས་སྐྱེས་བྱ་དགའ”ནི་ཀྲུང་གོ་མི་དམངས་ཕྱི་ཕྱོགས་མཛའ་གྲོགས་མཐུན་ཚོགས（བསྡུས་མིང་ལ་རྒྱལ་ཡོངས་ཕྱི་ཕྱོགས་མཛའ་མཐུན་མཐུན་ཚོགས་ཟེར）ཀྱིས་བཙུགས་ཤིང་། དེ་ཡང་གྲོང་ཁྱེར་ཁག་གིས་ཀྲུང་གོ་དང་ཕྱི་རྒྱལ་གྱི་མཛའ་མཐུན་གྲོང་ཁྱེར་དབར་འགྲོ་འོང་བྱེད་རིང་དམིགས་བསལ་གྱི་ལེགས་སྐྱེས་དང་ཕུལ་བྱུང་གྲུབ་འབྲས་ཐོབ་པར་གཟེངས་བསྟོད་བྱེད་པར་སྤྲོད་ཀྱི་ཡོད་པ་རེད།</p><p>2008ལོར་ནེ་པ་ལའི་པོ་ཁེ་ལ་གྲོང་ཁྱེར་དང་མཛའ་མཐུན་གྲོང་ཁྱེར་གྱི་འབྲེལ་བ་བཙུགས་ཚུན། ཉིང་ཁྲི་གྲོང་ཁྱེར་གྱིས་པོ་ཁེ་ལ་གྲོང་ཁྱེར་དང་དངོས་སྒྲུབ་མཉམ་ལས་ལ་སྔ་ཕྱི་བར་གསུམ་དུ་སྐུལ་འདེད་ཏན་ཏིག་བཏང་ནས་ཕྱི་ཕྱོགས་དང་མཛའ་མཐུན་འགྲོ་འོང་གི་ཐབས་ལམ་རྒྱུན་མཐུད་རྒྱ་ཆེར་གཏོང་བ་དང་། དམངས་ཁྲོད་སྤེལ་རེས་ལས་སྟེགས་བཏོད་དེ་གཞོན་ནུའི་སྤེལ་རེས་དང་། སྨན་བཅོས་རོགས་སྐྱོར། ལུས་རྩལ་དང་རིག་གནས་ཡུལ་སྐོར་སོགས་ཁྱབ་ཁོངས་མང་པོར་མཉམ་ལས་བྱེད་ཟབ་ཏུ་བཏང་སྟེ། ཕྱི་ཕྱོགས་ལ་ཉིང་ཁྲིའི་སྐྱེ་ཁམས་སྲུང་སྐྱོང་དང་། མི་རིགས་མཐུན་སྒྲིལ། དཔལ་འབྱོར་འཕེལ་རྒྱས་བཅས་ཀྱི་གཏམ་རྒྱུད་ཡག་པོ་བརྗོད་པས། རྒྱལ་ཡོངས་ཕྱི་ཕྱོགས་མཛའ་མཐུན་མཐུན་ཚོགས་ཀྱིས་ཉིང་ཁྲི་གྲོང་ཁྱེར་ལ“རྒྱལ་སྤྱིའི་མཛའ་མཐུན་གྲོང་ཁྱེར་གྱི་ཕུལ་བྱུང་ལེགས་སྐྱེས་བྱ་དགའ”སྤྲད་པ་རེད།</p>