<div style='font-size: 22px!important;line-height: 34px!important;text-align: justify!important;color: #000!important'>༄༅། དབྱར་གྱི་དྲན་ཤིང་།</div><div style='font-size: 16px!important;line-height: 28px!important;text-align: justify;color: #777!important;margin-top: 20px;'>གཡུ་ཆུང་།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2026-07-14</div><div><img id='paperImg' style='max-width: 100%;height: auto' src='https://img.founderfx.cn/epaper/202607/14/0f832281f2fe421da05b05e7c35facd7/3.jpg' alt='' class='page-img'/></div><p>དབྱར་གསུམ་མེ་ཏོག་གི་མཛེས་སྡུག །</p><p>ཡངས་པའི་སྤང་ཐང་དུ་བཞད་དུས། །</p><p>རྐང་དྲུག་གཡུ་སྦྲང་གི་གཞོན་ནུ། །</p><p>དབྱར་གྱི་དྲན་ཤིང་རང་ཡིན་སོང་། །</p><p>སྔོ་ལྗང་རྩེ་ཤིང་གི་ལང་ཚོ། །</p><p>ཟིལ་པའི་རོ་བཅུད་ཀྱིས་མྱོས་དུས། །</p><p>ཟམ་ཟིམ་སྨུག་ཆར་གྱི་བདུད་རྩི། །</p><p>དབྱར་གྱི་དྲན་ཤིང་རང་ཡིན་སོང་། །</p><p>ཤག་ཤག་ཆར་པ་ཡི་ཐིགས་པ། །</p><p>རི་ཀླུང་ཐང་གསུམ་ལ་བབས་དུས། །</p><p>གཡུ་འབྲུག་སྔོན་མོ་ཡི་སྐད་སྙན། །</p><p>དབྱར་གྱི་དྲན་ཤིང་རང་ཡིན་སོང་། །</p><p>ཚང་ཚིང་ལྗོན་པ་ཡི་ཚལ་དུ། །</p><p>འདབ་ཆཊ་གསུང་སྙན་དེ་སྒྲོག་དུས། །</p><p>སྙན་འཇེབས་འཇོལ་མོ་ཡི་གྲེ་འགྱུར། །</p><p>དབྱར་གྱི་དྲན་ཤིང་རང་ཡིན་སོང་། །</p><p>དྭངས་གཙང་ཆུ་མོ་ཡི་ཀློང་དུ། །</p><p>ལྡེམ་མྱུར་རྐྱལ་རྩལ་ལ་རོལ་བའི། །</p><p>མཛེས་ལྡན་གསེར་མིག་གི་ཉ་མོ། །</p><p>དབྱར་གྱི་དྲན་ཤིང་རང་ཡིན་སོང་། །</p><p>སྔོ་བསངས་མཁའ་དབྱིངས་ཀྱི་དབུས་སུ། །</p><p>བསིལ་རླུང་འཇམ་པོ་ཞིག་ལྡང་དུས། །</p><p>སྤྲིན་དཀར་མེ་ཏོག་གི་ཚོམ་བུ། །</p><p>དབྱར་གྱི་དྲན་ཤིང་རང་ཡིན་སོང་། །</p><p>དབྱར་གཞུང་ལང་ཚོ་ཡི་མཛེས་པ། །</p><p>སྐྱེ་འགྲོའི་འདྲེན་བྱེད་ཀྱི་བདུད་རྩི། །</p><p>སྤྲོ་དགའི་ཡིད་སེམས་རང་འཁོར་ས། །</p><p>རེ་སྒུག་ལོ་ཟླ་བཅོལ་ཡོད།།</p>