<div style='font-size: 22px!important;line-height: 34px!important;text-align: justify!important;color: #000!important'>གཏན་འབེབས་འདི་ཟླ6ཚེས1ཉིན་ནས་ལག་བསྟར་བྱེད་རྒྱུ།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版  2026-06-09</div><div><img id='paperImg' style='max-width: 100%;height: auto' src='//img.founderfx.cn/epaper/202606/09/c51d7bec993d48449ccdee03e5f9b54f/3.jpg' alt='' class='page-img'/></div><p>ཉེ་ཆར། སྤྱི་བདེ་པུས《འཕྲུལ་སྒུལ་འཁོར་རིགས་ཀྱི་ཁ་ལོ་བའི་ངལ་དུབ་འཁོར་གཏོང་ངོས་འཛིན་གཏན་འཁེལ་གྱི་སྒྲིག་སྲོལ》(GA/T2372-2026)གཏན་འབེབས་གསར་པ་དངོས་སུ་བཀྲམ་ཞིང་། ཟླ་6ཚེས་1ཉིན་ནས་རྒྱལ་ཡོངས་སུ་ལག་ལེན་བསྟར་རྒྱུ་རེད། དེས“འཁོར་རིགས་གཏོང་ཡུན་ཁོ་ནར་བརྟེན་པའི”ཐབས་ཤེས་རྙིང་པ་མ་སྤྱད་པར་རླངས་འཁོར་གཏོང་སྟངས་དང་། ལུས་པོའི་གནས་ཚུལ། འཚོ་བའི་གནས་ཚུལ་བཅས་ཕྱོགས་གསུམ་ནས་གང་རུང་ཞིག་ཡོད་ཚེ་ངལ་དུབ་འཁོར་གཏོང་ལ་བརྩི་གི་ཡོད་པ་རེད།</p><p>གཤམ་གྱི་གནས་ཚུལ་ལས་གཅིག་ཡོད་ཚེ། ངལ་དུབ་འཁོར་གཏོང་ལ་བརྩི་རྒྱུ་སྟེ།</p><p>༡.འཕྲུལ་སྒུལ་འཁོར་རིགས་ཀྱི་ཁ་ལོ་བས་བསྟུད་མར་འཁོར་རིགས་ཆུ་ཚོད་4ལྷག་ཙམ་བཏང་བ་མ་ཟད། དེའི་རིང་ངལ་གསོ་བརྒྱབ་མེད་པའམ་ཡང་ན་ངལ་གསོ་སྐར་མ་20ལས་ཉུང་བ་བརྒྱབ་པ།</p><p>༢.འགྲུལ་སྐྱེལ་རླངས་འཁོར་གྱི་ཁ་ལོ་བས་དགོང་མོའི་ཆུ་ཚོད་22：00ནས་ཕྱི་ཉིན་གྱི་ཐོ་རེངས་ཆུ་ཚོད་6：00བར་བསྟུད་མར་འཁོར་རིགས་ཆུ་ཚོད་2ལྷག་ཙམ་བཏང་བ་མ་ཟད། དེའི་རིང་ངལ་གསོ་བརྒྱབ་མེད་པའམ་ཡང་ན་ངལ་གསོ་སྐར་མ་20ལས་ཉུང་བ་བརྒྱབ་པ།</p><p>༣.འགྲུལ་སྐྱེལ་རླངས་འཁོར་གྱི་ཁ་ལོ་བས་ཆུ་ཚོད་24ཡི་ནང་ཚུན་དུ་འཁོར་རིགས་ཆུ་ཚོད་8ལས་བརྒལ་ནས་བཏང་བ།</p><p>འགྲིམ་འགྲུལ་ལས་འཛོལ་ཐོན་དུས། ཉེན་ཁ་ལས་གཡོལ་ཐུབ་ཀྱི་ཡོད་ཀྱང་ཉེན་གཡོལ་བྱེད་ཐབས་ནུས་ལྡན་སྤྱད་མེད་པའི་ཁ་ལོ་བར་གཤམ་གསལ་གྱི་གནས་ཚུལ་ལས་གཅིག་ཡོད་ཚེ། ངལ་དུབ་འཁོར་གཏོང་ལ་བརྩི་ཆོག་པ་སྟེ།</p><p>༡.ཁ་ལོ་བས་འཕྲུལ་སྒུལ་འཁོར་རིགས་བཏང་ནས་ལས་འཛོལ་མ་ཐོན་གོང་གི་སྐར་མ་10ཡི་ནང་ཚུན་དུ་དཀའ་ལས་ཁག་ནས་མིག་ཟུམ་འགྲོ་བའམ་ཡང་ན་དཀའ་ལས་ཁག་ཚད་ཀླད་དཔྱད་གློག་རླབས་ཀྱི་བརྡར་གཅོད་ཀྱི་གྲངས་ཐང་30ལས་དམའ་བ་ཡོད་པ་ལྟ་ཞིབ་ཚད་ལེན་སྒྲིག་ཆས(གློག་མིག་དང་ཀླད་དཔྱད་སྒྲིག་ཆས་ཚུད་པ་མ་ཟད། སྒྲིག་ཆས་གཞན་དག་ཀྱང་ཡོད་པ)ཀྱིས་ཚད་འཇལ་ཐུབ་པ།</p><p>༢.འདྲི་རྩད་བྱས་པ་བརྒྱུད། ཁ་ལོ་བས་དཀའ་ལས་ཁག་ཐག་ཆོད་ནས་རིག་པ་རྩེ་གཅིག་ཏུ་སྒྲིམ་མི་ཐུབ་རུང་སྔར་བཞིན་རླངས་འཁོར་བཏང་བ་ངོས་འཛིན་ཁ་གསལ་བྱུང་བ།</p><p>༣. རླངས་འཁོར་མ་བཏང་གོང་། ཁ་ལོ་བ་གཉིད་ཡག་པོ་ཁུག་ཡོད་མེད་དང་། དེ་བཞིན་ལས་ཀ་དང་། བཟའ་བཏུང་། སྨན་བཟས་ཡོད་མེད་སོགས་ཀྱི་གནས་ཚུལ་ལ་བརྟག་དཔྱད་བྱས་པ་བརྒྱུད། ཉོབ་མདངས་ཕྲན་ཙམ་ཡོད་པ་དང་། དཀའ་ལས་ཅུང་ཟད་ཁག་པ། དཀའ་ལས་ཁག་ཐག་ཆོད་པ་བཅས་ནས་གཅིག་གམ་ཡང་ན་དེ་ལས་མང་བ་ཡོད་པ་ངོས་འཛིན་བྱུང་བ།</p>