<div style='font-size: 22px!important;line-height: 34px!important;text-align: justify!important;color: #000!important'>སྤོ་བོ་རྫོང་གིས“ཏེན་གྱི་བདེ་ཐང་ཤེས་བྱའི”བརྗོད་དོན་གཙོ་བོར་དམིགས་ནས་གཅིག་སྡུད་དྲིལ་བསྒྲགས་བྱེད་སྒོ་སྤེལ་བ།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版  2026-05-22</div><div><img id='paperImg' style='max-width: 100%;height: auto' src='//img.founderfx.cn/epaper/202605/22/3ede3fec474f4d629afc7fbc9899533a/2.jpg' alt='' class='page-img'/></div><div style='font-size: 14px!important;line-height: 22px!important;text-align: center!important;color: #777!important;'><img src='//img.founderfx.cn/epaper/202605/22/3ede3fec474f4d629afc7fbc9899533a/02/113094_tanyl_1779328414926_s.jpg'style='display: block!important;margin: auto!important;max-width: 100%!important;'/></div><p>འདི་ག་ཚགས་པར་ཁང་དུ་གནས་ཚུལ་འབྱོར་གསལ། ཁོངས་གཏོགས་ཁུལ་གྱི་མང་ཚོགས་ཀྱི་ཡུལ་ནད་སྔོན་འགོག་ཚོད་འཛིན་ཤེས་ཚད་སྔར་བས་མཐོ་རུ་བཏང་ནས་མང་ཚོགས་ཀྱི་ཚན་རིག་དང་མཐུན་པའི་ནད་འགོག་འདུ་ཤེས་ཟབ་ཏུ་གཏོང་ཆེད། ཉེ་ཆར། སྤོ་བོ་རྫོང་ནད་ཡམས་སྔོན་འགོག་ཚོད་འཛིན་ལྟེ་གནས་ཀྱིས“ཏེན་གྱི་བདེ་ཐང་ཤེས་བྱའི”བརྗོད་དོན་གཙོ་བོར་དམིགས་ནས་གཅིག་སྡུད་དྲིལ་བསྒྲགས་བྱེད་སྒོ་སྤེལ་བ་རེད། </p><p>བྱེད་སྒོ་སྤེལ་ཡུལ་དུ་འཕྲེད་འགེལ་སྦྱར་ཚིག་འགེལ་བ་དང་། དྲིལ་བསྒྲགས་འགྲེམས་པང་སྒྲིག་པ། ཚན་རིག་ཁྱབ་གདལ་གྱི་དཔྱད་ཡིག་སྤྲོད་པ། ས་གནས་ས་ཐོག་ཏུ་གསལ་འགྲེལ་བྱེད་པ་སོགས་ཀྱི་བྱེད་ཐབས་སྣ་ཚོགས་བརྒྱུད་དྲིལ་བསྒྲགས་སློབ་གསོ་སྤེལ་ཞིང་། ལས་དོན་མི་སྣས་འགྲོ་འོང་བྱེད་མཁན་གྱི་མང་ཚོགས་ལ་ཏེན་མི་འདང་བའི་ནད་དང་། གྲུམ་བུའི་ནད་སོགས་རྒྱུན་མཐོང་ཡུལ་ནད་ཀྱི་གནོད་འཚེ་དང་། སྔོན་འགོག་བྱེད་ཐབས། དེ་བཞིན་གཙོ་གནད་ཐོག་ཚད་ལོན་པའི་ཏེན་ཚྭ་དབྱེ་འབྱེད་དང་ཚན་རིག་དང་མཐུན་པའི་ཉར་ཚགས། བཟའ་བཅའ་ཚད་ལྡན་ངང་སྤྱོད་པ་སོགས་ཀྱི་ཤེས་བྱར་གསལ་འགྲེལ་བྱས་ཏེ་མང་ཚོགས་ཀྱི་འཚོ་བའི་བཟའ་བཏུང་གི་གོམས་གཤིས་ངན་པ་ཡོ་བསྲང་དང་ནད་གཞི་སྔོན་འགོག་བྱ་རྒྱུར་རམ་འདེགས་བྱས་ཡོད།</p>