སྣང་བ་སྒྱུ་མའི་ཕོ་བྲང་།

<div style='font-size: 22px!important;line-height: 34px!important;text-align: justify!important;color: #000!important'>སྣང་བ་སྒྱུ་མའི་ཕོ་བྲང་།</div><div style='font-size: 16px!important;line-height: 28px!important;text-align: justify;color: #777!important;margin-top: 20px;'>དབྱིངས་ཀུན་གཞི། གཡུ་མཁར།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2026-02-20</div><div><img id='paperImg' style='max-width: 100%;height: auto' src='//img.founderfx.cn/epaper/202602/19/ac98aced39bf4b65ac181d29d8e57321/3.jpg' alt='' class='page-img'/></div>འཇིག་རྟེན་གྲུ་ཁ་འཚོལ་བའི་ཆ་འགྲིག་བྱུང་ན།།བརྩེ་འདང་སེམས་ཀྱི་མཚོ་མོའི་གཏིང་གི་ནོར་བུ།།བདག་སེམས་གཤོག་པ་རིང་མོ་མཁའ་ལ་རེག་ན།།ཡིད་ཀྱི་ཆུ་སྐྱེས་འཛུམ་པའི་འོད་མདངས་ཁྱོད་ཡིན།།འཛུམ་ཆུང་སོ་དཀར་ཟླ་བའི་མཛེས་པ་འཁྲུངས་ཡོད།།སྤྲིན་དཀར་མཐོན་མཐིང་དབུས་ཀྱི་འཇའ་ཚོན་བྲིས་ན།།རྐང་གཅིག་འདབ་སྟོང་གྲོལ་བའི་མཛེས་པ་འབུམ་ཕྲག།འཛུམ་གོང་ཞལ་རས་དཀར་པོའི་ཕྲེང་ལ་བསྟར་ཡོད།།དྲི་ཞིམ་སྤོས་ཀྱི་ཆུ་རྒྱུན་རླུང་གིས་སྐྱོམ་པས།།བསུང་ངད་ལྡང་བའི་ཚོར་རྐྱེན་ཟབ་མོ་འདི་ཡང་།།རུས་གསེང་ཚོར་འདུ་ཕྲ་མོ་ཟུག་སློང་དབང་གིས།།ཕྱོགས་སྤུངས་དྲི་འཛིན་ཤེས་པའི་ཡུལ་དུ་ཟབ་པ།།དབྱར་གྱི་འཇམ་མཉེན་རླུང་བུ་དལ་གྱིས་ལྡང་ཚེ།།སྡེ་ཆེན་གྲོང་གི་ནེའུ་ལྡངས་གཞོན་ནུས་གྲེ་འགྱུར།།རི་གླུ་སྙན་མོའི་ཁུགས་སོ་དབྱངས་ལ་འཐེན་དུས།།མི་སྡོད་སྣང་བའི་ཞགས་པ་ཤུགས་ཀྱིས་ཁུར་སོང་།།ཡིད་འཛིན་སེམས་ཀྱི་ཟླ་བ་མཁའ་ནས་འཆར་དུས།།སྟོང་བ་ཁམས་ཀྱི་ཀུ་མུད་འཛུམ་ལ་བྲེལ་གྱིན།།ཡིད་འཛིན་སྟོང་བ་གསོ་བའི་མཛེས་སྡུག་ཅིག་གིས།།སྙན་ངག་ཁྱོད་ལ་བྲིས་པ་འདང་རྩེའི་གཞུང་ཡིན།།རྟོགས་སྣང་སྒྱུ་མའི་ངོས་སུ་བཞེངས་བའི་ཟླ་བ།།དྲན་པ་རྒྱ་མཚོའི་ཀློང་ནས་རྙེད་པའི་བྱུར་དམར།།ཚོན་གྱིས་མ་བྱུགས་རི་མོའི་ཁ་དོག་འགྱུར་མེད།།གཏན་གྱི་སྐྱིད་སྣང་ཁྱོད་ཀྱི་རེ་ཁར་གཏད་ཡོད།།གསེར་ལྡན་དུས་ཀྱི་སྦྲང་ཆར་ངོམ་ལ་འཚུབ་བཞིན།།དབྱིག་འཛིན་སྒེག་པ་མོ་ཡིས་དུས་སྔ་བགོ་སྐབས།།ལང་ཚོ་དཔྱིད་དཔལ་སྟོན་གྱིས་སྤུད་པའི་འགྲོས་ལ།།རྒྱང་མིག་ཀེར་ཀེར་འཛུམ་ཞིང་ཁྱོད་ཞལ་སྒོམ་ཡོད།།མི་སྡོད་སྣང་བའི་འཇིག་རྟེན་དལ་འགྲོས་རྒྱུན་ལ།།ལས་སྣང་བཀོད་པའི་རི་མོ་སོ་སོར་ཞེན་པས།།མི་འཛད་གཏམ་གྱི་ཚིག་རིས་རྩིབ་ངོར་བྲིས་ཀྱང་།།འཁྲེང་ཞེན་འདྲེན་བྱེད་སྟོང་གིས་གཡོ་བ་ཡིན་འདྲ།།ཞེན་ཆགས་རྟོག་པའི་ན་བུན་རི་ལ་འཐིབས་ན།།དུང་བརྗོད་རླབས་ཀྱི་གཡོ་བ་རླུང་གིས་བསྐྱོད་དང་།།ཡིད་ཀྱིས་བརྟན་པ་འཕྲོག་པའི་འཛུམ་ཆུང་གཞོན་ནུ།།མ་བསྒོམ་རང་སེམས་ཕྲ་རྒྱན་ཡིད་ལ་བརྣབས་ཆོག།ཀུན་རྟོག་སེམས་ཀྱིས་ཆོ་འཕྲུལ་བྲིས་པ་མིན་ལ།།སྒྱུ་འཕྲུལ་སྣང་བའི་ཕོ་བྲང་བཞེངས་པའང་མེད།།སྡུ་གུ་ཡིད་འོང་གཟུགས་མཛེས་གཞོན་ནུ་ཁྱོད།།འཆི་མེད་དྲི་ཟའི་ཡུལ་ནས་འཕྲོག་པའང་མིན།།

<div style='font-size: 22px!important;line-height: 34px!important;text-align: justify!important;color: #000!important'>སྣང་བ་སྒྱུ་མའི་ཕོ་བྲང་།</div><div style='font-size: 16px!important;line-height: 28px!important;text-align: justify;color: #777!important;margin-top: 20px;'>དབྱིངས་ཀུན་གཞི། གཡུ་མཁར།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2026-02-20</div>འཇིག་རྟེན་གྲུ་ཁ་འཚོལ་བའི་ཆ་འགྲིག་བྱུང་ན།།བརྩེ་འདང་སེམས་ཀྱི་མཚོ་མོའི་གཏིང་གི་ནོར་བུ།།བདག་སེམས་གཤོག་པ་རིང་མོ་མཁའ་ལ་རེག་ན།།ཡིད་ཀྱི་ཆུ་སྐྱེས་འཛུམ་པའི་འོད་མདངས་ཁྱོད་ཡིན།།འཛུམ་ཆུང་སོ་དཀར་ཟླ་བའི་མཛེས་པ་འཁྲུངས་ཡོད།།སྤྲིན་དཀར་མཐོན་མཐིང་དབུས་ཀྱི་འཇའ་ཚོན་བྲིས་ན།།རྐང་གཅིག་འདབ་སྟོང་གྲོལ་བའི་མཛེས་པ་འབུམ་ཕྲག།འཛུམ་གོང་ཞལ་རས་དཀར་པོའི་ཕྲེང་ལ་བསྟར་ཡོད།།དྲི་ཞིམ་སྤོས་ཀྱི་ཆུ་རྒྱུན་རླུང་གིས་སྐྱོམ་པས།།བསུང་ངད་ལྡང་བའི་ཚོར་རྐྱེན་ཟབ་མོ་འདི་ཡང་།།རུས་གསེང་ཚོར་འདུ་ཕྲ་མོ་ཟུག་སློང་དབང་གིས།།ཕྱོགས་སྤུངས་དྲི་འཛིན་ཤེས་པའི་ཡུལ་དུ་ཟབ་པ།།དབྱར་གྱི་འཇམ་མཉེན་རླུང་བུ་དལ་གྱིས་ལྡང་ཚེ།།སྡེ་ཆེན་གྲོང་གི་ནེའུ་ལྡངས་གཞོན་ནུས་གྲེ་འགྱུར།།རི་གླུ་སྙན་མོའི་ཁུགས་སོ་དབྱངས་ལ་འཐེན་དུས།།མི་སྡོད་སྣང་བའི་ཞགས་པ་ཤུགས་ཀྱིས་ཁུར་སོང་།།ཡིད་འཛིན་སེམས་ཀྱི་ཟླ་བ་མཁའ་ནས་འཆར་དུས།།སྟོང་བ་ཁམས་ཀྱི་ཀུ་མུད་འཛུམ་ལ་བྲེལ་གྱིན།།ཡིད་འཛིན་སྟོང་བ་གསོ་བའི་མཛེས་སྡུག་ཅིག་གིས།།སྙན་ངག་ཁྱོད་ལ་བྲིས་པ་འདང་རྩེའི་གཞུང་ཡིན།།རྟོགས་སྣང་སྒྱུ་མའི་ངོས་སུ་བཞེངས་བའི་ཟླ་བ།།དྲན་པ་རྒྱ་མཚོའི་ཀློང་ནས་རྙེད་པའི་བྱུར་དམར།།ཚོན་གྱིས་མ་བྱུགས་རི་མོའི་ཁ་དོག་འགྱུར་མེད།།གཏན་གྱི་སྐྱིད་སྣང་ཁྱོད་ཀྱི་རེ་ཁར་གཏད་ཡོད།།གསེར་ལྡན་དུས་ཀྱི་སྦྲང་ཆར་ངོམ་ལ་འཚུབ་བཞིན།།དབྱིག་འཛིན་སྒེག་པ་མོ་ཡིས་དུས་སྔ་བགོ་སྐབས།།ལང་ཚོ་དཔྱིད་དཔལ་སྟོན་གྱིས་སྤུད་པའི་འགྲོས་ལ།།རྒྱང་མིག་ཀེར་ཀེར་འཛུམ་ཞིང་ཁྱོད་ཞལ་སྒོམ་ཡོད།།མི་སྡོད་སྣང་བའི་འཇིག་རྟེན་དལ་འགྲོས་རྒྱུན་ལ།།ལས་སྣང་བཀོད་པའི་རི་མོ་སོ་སོར་ཞེན་པས།།མི་འཛད་གཏམ་གྱི་ཚིག་རིས་རྩིབ་ངོར་བྲིས་ཀྱང་།།འཁྲེང་ཞེན་འདྲེན་བྱེད་སྟོང་གིས་གཡོ་བ་ཡིན་འདྲ།།ཞེན་ཆགས་རྟོག་པའི་ན་བུན་རི་ལ་འཐིབས་ན།།དུང་བརྗོད་རླབས་ཀྱི་གཡོ་བ་རླུང་གིས་བསྐྱོད་དང་།།ཡིད་ཀྱིས་བརྟན་པ་འཕྲོག་པའི་འཛུམ་ཆུང་གཞོན་ནུ།།མ་བསྒོམ་རང་སེམས་ཕྲ་རྒྱན་ཡིད་ལ་བརྣབས་ཆོག།ཀུན་རྟོག་སེམས་ཀྱིས་ཆོ་འཕྲུལ་བྲིས་པ་མིན་ལ།།སྒྱུ་འཕྲུལ་སྣང་བའི་ཕོ་བྲང་བཞེངས་པའང་མེད།།སྡུ་གུ་ཡིད་འོང་གཟུགས་མཛེས་གཞོན་ནུ་ཁྱོད།།འཆི་མེད་དྲི་ཟའི་ཡུལ་ནས་འཕྲོག་པའང་མིན།།