<div style='font-size: 22px!important;line-height: 34px!important;text-align: justify!important;color: #000!important'>ཁ་བ་ཟིམ་ཟིམ་བབས་སོང་།</div><div style='font-size: 16px!important;line-height: 28px!important;text-align: justify;color: #777!important;margin-top: 20px;'>སྙན་རྐང་གླིང་།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2026-02-20</div><div><img id='paperImg' style='max-width: 100%;height: auto' src='//img.founderfx.cn/epaper/202602/19/ac98aced39bf4b65ac181d29d8e57321/3.jpg' alt='' class='page-img'/></div><p>དུས་བཞིའི་རེས་སུ་འཁོར་ནས།།</p><p>ནམ་ཟླ་གྲང་བས་མནར་བྱུང་།།</p><p>ཕ་ཡུལ་གངས་ལྗོངས་ཡུལ་ལ།།</p><p>ཁ་བ་ལྷབ་ལྷུབ་བབས་སོང་།།</p><p>བསིལ་ལྡན་དག་པའི་ཞིང་དུ།།</p><p>ཕུན་ཚོགས་དགེ་ལེགས་རྒྱས་ནས།།</p><p>གཡང་ནོར་སྙིང་གཅེས་ནོར་བུ།།</p><p>གནམ་མཁའི་ཀློང་ནས་ལྷུང་སོང་།།</p><p>ཡུལ་ལུས་བརྟས་པའི་གཞི་མ།།</p><p>ས་གཞི་སྣུམ་པའི་བཅུད་བཟང་།།</p><p>ཁ་བ་དཀར་གཙང་རིལ་བུ།།</p><p>མ་བོས་རང་བཞིན་བབས་བྱུང་།།</p><p>གངས་རི་མཐོ་མཐོ་རྩེ་ནས།།</p><p>ཁ་བའི་ལྭ་བ་བཀླུབས་སོང་།།</p><p>མཛེས་པའི་གངས་དཀར་གཟི་འོད།།</p><p>ཁྲ་ཆུང་མིག་ལ་འཚེར་བྱུང་།།</p><p>སྤྲོ་སྐྱིད་དཔལ་གྱི་ལང་ཚོ།།</p><p>ཁ་བའི་ལྗོངས་སུ་འཐོར་སོང་།།</p><p>ཡིད་འོང་གངས་རིའི་ཞིང་དུ།།</p><p>འདོད་དགུ་མེ་ཏོག་བཞད་ཡོད།།</p><p>མཐོ་སྒང་གངས་རིའི་ཞིང་ལ།།</p><p>ཁ་བ་ཟིམ་ཟིམ་བབས་སོང་།།</p><p>འཇམ་པའི་ཁ་བའི་འདབ་མ།།</p><p>རང་ལུས་དཀར་བ་བྱས་སོང་།།</p><p>ནམ་ཟླ་དགུན་ཁ་ཟེར་ན།།</p><p>ཁ་བའི་ནམ་ཟླ་ཡིན་འདུག།</p><p>ཚོར་བས་ལུས་སེམས་མྱོས་ལ།།</p><p>སྣང་བའི་རི་མོ་དོད་འདུག།</p>