<div style='font-size: 22px!important;line-height: 34px!important;text-align: justify!important;color: #000!important'>ཕ་ཡུལ་སྐྱིད་པའི་ལུང་བ།</div><div style='font-size: 16px!important;line-height: 28px!important;text-align: justify;color: #777!important;margin-top: 20px;'>དགུ་བ། མགོ་ལོག</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2026-02-20</div><div><img id='paperImg' style='max-width: 100%;height: auto' src='//img.founderfx.cn/epaper/202602/19/ac98aced39bf4b65ac181d29d8e57321/3.jpg' alt='' class='page-img'/></div><p>མཐོན་པོ་སྒང་འདི་དམའ་མོ་སྤང་གཞུང་ཡིན།།</p><p>གཙང་ཆབ་སྔོན་མོ་ཚངས་སྲས་བཞད་སྒྲ་ཡིན།།</p><p>ཕྲ་ཚོམ་མེ་ཏོག་བཞད་སའི་སྐྱེད་ཚད་ཡིན།།</p><p>ཕ་ས་ཕ་ཡུལ་མཆོད་པའི་དབྱངས་རྟ་ཡིན།།</p><p>འཇའ་ཚོན་སྣ་ལྔ་ལྟ་བུའི་གདན་སྟེང་དུ།།</p><p>ཉི་ཟླ་ལྟ་བུའི་ཕ་མ་སྤུན་མཆེད་འཛོམས།།</p><p>དྲན་པའི་ནང་ལ་འཁོར་བའི་ཉེ་མི་ཡིན།།</p><p>དུང་སེམས་འགྱུར་མེད་གཡུ་ཡི་ཁྲ་རྒྱན་ཡིན།།</p><p>རྟ་ནོར་ལུག་གསུམ་གཡུ་ལྗང་ལུང་བར་བཀྲམ།།</p><p>སྦྲ་ནག་གྲུ་བཞིའི་སྒོ་དར་ལྷོ་རུ་བརྒྱངས།།</p><p>ནོར་གནག་སྟོང་ཕྲག་ལུས་ཀྱི་རྩིད་པ་ཡིན།།</p><p>སྐྱིད་པའི་ཕ་ས་གཡང་གི་རུ་མ་ཡིན།།</p><p>རིག་གཞུང་གསེར་གྱི་གླེགས་བམ་འོད་ཀྱིས་མཚེར།།</p><p>སྟག་ཤར་གཞོན་ནུ་ཁ་ཞག་གྱི་ལེར་འདུ།།</p><p>སྨན་ཤར་བུ་མོ་འཛུམ་ཆུང་གྱི་ལེར་སླེབས།།</p><p>རྨ་ཁུག་ལུང་བ་སྐྱིད་པའི་གཡང་ལ་ཆགས།།</p>