<div style='font-size: 22px!important;line-height: 34px!important;text-align: justify!important;color: #000!important'>༄༅། །ལས་ཀྱི་ཁང་ཆུང་།</div><div style='font-size: 16px!important;line-height: 28px!important;text-align: justify;color: #777!important;margin-top: 20px;'>ཁམས་ཟླ་སྲས། དཔལ་ཡུལ།</div><div style='font-size: 14px!important;line-height: 22px!important;text-align: left!important;color: #777!important;margin-top: 20px;'>林芝报-藏文版&nbsp&nbsp2025-11-21</div><div><img id='paperImg' style='max-width: 100%;height: auto' src='//img.founderfx.cn/epaper/202511/27/36d3809fddd44bad877dd7dc06a0788e/3.jpg' alt='' class='page-img'/></div><p>ས་ལ་རྩོག་མི་ཤེས་པའི་དྲིན་ཆེན་མ།།</p><p>ཤ་མེད་རིད་པར་གྱུར་བའི་གཉོམ་ཆུང་མ།།</p><p>ལ་ཁའི་ཉི་མ་ལྟ་བུའི་དྲོད་ཆེན་མ།།</p><p>ར་ཕྲུག་་ཕག་ཕྲུག་སྐྱོང་བའི་བྱམས་ཆེན་མ།།</p><p>ཡ་མཚན་ཆེ་རྒྱུ་མེད་པའི་ཀུན་བཟོད་མ།།</p><p>འ་ཅག་གཡང་ལས་སྐྱོབ་པའི་ཐབས་མཁས་མ།། </p><p>ཟ་ཉལ་འགྲོ་འདུག་སློབ་པའི་རྒན་མོ་མ།།</p><p>ཞ་ཞོར་རྒྱབ་ནས་སྐྱོར་བའི་དགྲ་བཅོམ་མ།།</p><p>ཝ་་མོའི་ཚུགས་ཀ་བསྟན་པའི་ངང་འཇམ་མ།།</p><p>ཛ་རེ་ཛོ་རེ་འགྲོ་བའི་རྣལ་འབྱོར་མ།།</p><p>ཚ་གྲང་དཀའ་ཐུབ་མཛད་པའི་གྲུབ་ཐོབ་མ།།</p><p>ཙ་གེའི་ལས་ལ་གཞོལ་དུས་ངལ་མེད་མ།།</p><p>མ་རབས་བསམ་ངན་བྲལ་བའི་ཡུམ་ཆེན་མ།།</p><p>བ་ལང་སུག་རྗེས་འབྲངས་བའི་སོ་ནམ་མ།།</p><p>ཕ་ལགས་གཡས་གཡོན་འདེགས་པའི་ཐེག་ཆེན་མ།།</p><p>པ་ལོ་རྒྱབ་ཏུ་དཔྱངས་བའི་རབ་མཛེས་མ།།</p><p>ན་ཚོད་ལང་ཚོ་ཡོལ་བའི་བགྲེས་མོ་མ།།</p><p>ད་ཆ་སྐྲ་ལོ་དཀར་བའི་ཚེ་རིང་མ།།</p><p>ཐ་སྙད་གཙུག་ལག་མ་སྦྱངས་མཛངས་སྤྱོད་མ།།</p><p>ཏ་ཀུ་ཕྱག་གིས་འཆང་བའི་སྒུར་འཁྱོག་མ།།</p><p>ཉ་ཕྲུག་བསམ་མེད་སྐྱོང་བའི་འཁོར་ཚོགས་མ།།</p><p>ཇ་ཆང་མཚར་གླུ་ལེན་པའི་མཁའ་འགྲོ་མ།།</p><p>ཆ་རྫོགས་བསམ་པ་དཀར་བའི་ཟླ་གཞོན་མ།།</p><p>ཅ་ཀ་བསྒྲུགས་ཚད་སྟེར་བའི་ཕངས་མེད་མ།།</p><p>ང་ཡི་ཡོད་ཚད་ཡིན་པའི་དྲིན་ཆེན་མ།།</p><p>ག་པར་ཕྱིན་ཀྱང་བརྗེད་མེད་ཁོ་ཐག་མ།།</p><p>ཁ་བཤད་དོན་ལ་གནས་པའི་དཔའ་མོ་མ།།</p><p>ཀ་མད་སུམ་ཅུ་ནང་གི་པ་སྡེའི་མ།།</p>